Té con Kant en Cee, Santiago de Compostela e Vigo.

O novo espectáculo de Inversa Teatro, Té con Kant, escrito e dirixido por María Caparrini e Marta Pérez e interpretado por María Roja e Marta Pérez, estará os días 22, 23 e 24 de Novembro en Cee, Santiago de Compostela e Vigo, respectivamente.

Cee: Venres 22- pola mañá no IES Fernando Blanco. Ás 20:30 horas na Universidade Cromática das Virtudes.

Santiago de Compostela: Sábado 23 ás 20:30 horas en Vilamincha (Rúa Fontiñas nº 27).

Vigo: Domingo 24 ás 20 horas na Asociación Cultural Bou Eva (Rúa Tercio de Afora 11- Barrio de Casablanca:  Medio  https://maps.google.es/maps?q=42.23344,+-8.711656&hl=gl&sll=42.233443,-8.711557&sspn=0.008802,0.013797&t=h&ie=UTF8&z=14&ll=42.233443,-8.711665&source=embed )

Johanna Gottfried e Theodora Krauss son dúas mulleres ilustradas chegadas á nosa época nunha viaxe no tempo desde a Prusia do S. XVIII. Unha vez aquí tentarán exercer como axitadoras filosóficas coa pretensión de remover e promover a reflexión (e acción) do público asistente ao redor da problemática moral nos nosos días, a partires das ideas do seu amigo o filósofo Inmanuel Kant. A última decisión sobre o destino destas personaxes dependerá unicamente do público asistente. Atréveste a pensar con nós?