Función solidaria Té con Kant para a Caravana Feminista da Marcha Mundial das Mulleres

A Cía. Inversa Teatro pon en escena o próximo día 17 de abril ás 20:30 horas no Salón de Actos da Parroquia Cristo da Victoria (si, moi pretiño dese barquiño de Coia) a peza Té con Kant coa finalidade de recadar fondos para a Caravana Feminista que organiza a Marcha Mundial das Mulleres.
A recadación íntegra irá destinada á coordenadora local de Vigo da Marcha Mundial das Mulleres para esta caravana, que fará a súa chegada a Galiza alá pola primeira semana de outubro.
Esperamos que poidades asistir e difundir!! É por unha boa causa!!

Porque estas prusianas burguesas son conscientes de que miles de mulleres precisan de apoio e solidariedade na loita pola erradicación da violencia e a pobreza. Por iso, a MMM por en marcha, un ano máis, esta caravana que comezará en Turquía o 8 de marzo e viaxará ao leste, norte, sur e oeste de Europa, para chegar a Portugal o 17 de outubro.

E como non, para aqueles que queiran ver á Cía. noutros lugares e momentos, velaquí as nosas datas nestes meses:

2015

16-17/05 :: TÉ CON KANT :: Festival Ponte en Escena. Gondomar.

02/05 :: FÉMINA SAPIENS :: 34º FAZER A FESTA. Festival Internacional de Teatro. Porto. Portugal.

17/04 :: TÉ CON KANT :: Salón de Actos Parroquia Cristo da Victoria. Vigo. Función benéfica para a Caravana Feminista da Marcha Mundial das Mulleres.

16/04 :: TÉ CON KANT :: IES Politécnico. Vigo. (matiné)

15/04 :: TÉ CON KANT :: Centro Sociocultural Fontiñas. Santiago de Compostela. (matiné)

14/04 :: TÉ CON KANT :: IES Armando Cotarelo. Vilagarcía de Arousa. (matiné)

13/04 :: TÉ CON KANT :: Pazo de Cultura. Carballo. (matiné)

12/04 :: EGO. A Autoimportancia de denominarse artista :: MILH. Intervención no Festival de Arte e Literatura con Retranca. Lugo (Con Antón Sobral)

09/04 :: TÉ CON KANT :: Casa da Cultura. Ordes. (matiné)

28/03 :: TÉ CON KANT :: Auditorio Gustavo Freire. Rede Galega de Teatros e Auditorios. Lugo

27/03 :: FÉMINA SAPIENS :: Mostra Olladas Teatrais. Sala Gurugú. A Coruña

17/03 :: TÉ CON KANT :: Salón de Actos Margarita Salas. Majadahonda (función dobre). Madrid.

07/03 :: FÉMINA SAPIENS :: Sala Ingrávida. Rede Galega de Salas. Porriño

06/03 :: FÉMINA SAPIENS :: Sala Ingrávida. Rede Galega de Salas. Porriño

04/03 :: TÉ CON KANT :: Universitat de Barcelona. Barcelona

03/03 :: TÉ CON KANT :: Universitat de Barcelona. Barcelona

27/02 :: TÉ CON KANT :: Capela Torrente Ballester (función dobre). Ferrol.

26/02 :: TÉ CON KANT :: Olimpiada Galega de Filosofía. Santiago de Compostela.

23/02 :: TÉ CON KANT :: Auditorio Multiusos da Xunqueira. Redondela.

26/01 :: TÉ CON KANT :: IES Lucus Augusti. Lugo

Té con Kant é un espectáculo escrito e dirixido por María Caparrini e Marta Pérez e interpretado por María Roja e Marta Pérez. É un  proxecto experimental que conxuga o ensaio filosófico e a creación escénica xogando co humor e a ironía para obter unha peza de teatro próxima ao formato de teatro-didáctico-conferencia.

Johanna Gottfried e Theodora Krauss son dúas mulleres ilustradas chegadas á nosa época nunha viaxe no tempo desde a Prusia do S. XVIII. Unha vez aquí tentarán exercer como axitadoras filosóficas coa pretensión de remover e promover a reflexión (e acción) do público asistente ao redor da problemática moral nos nosos días, a partires das ideas do seu amigo o filósofo Inmanuel Kant. A última decisión sobre o destino destas personaxes dependerá unicamente do público asistente. Atréveste a pensar con nós?