IV Encontro Mulleres Creando no FITO de Ourense

Chega o IV Encontro Mulleres Creando do FITO de Ourense os días 12, 13 e 14 de outubro; unhas xornadas que pretenden aunar a diferentes creadoras que este ano chegan desde diferentes partes do estado como Barcelona, o País Vasco ou Madrid. Trátase de contruír un espazo de intercambio artístico, divulgación e estudo da creación das mulleres nas súas múltiples facetas. Durante tres días e a través de diferentes mesas temáticas, as diferentes convidadas poderán intercambiar as súas diferentes linguaxes creativas, poñer en valor os seus traballos e asegurar así a visibilidade das actividades artísticas e de investigación nas mulleres.

Neste IV Encontro, queremos este ano aproximarnos ao movemento da Caixa de Pandora , constituído no ano 2017 para facer fronte a situacións de abuso de poder que sofren as mulleres dentro do ámbito da cultura. A Caixa de Pandora é un grupo non mixto formado por máis de 3.000 mulleres e outras identidades de xénero non hexemónicas, vinculadas á arte e a cultura.

Na actualidade A Caixa de Pandora está procurando distintos medios de funcionamento, sempre horizontal, desxerarquizado, asembleario e autoorganízanse en diferentes lugares do estado.

Ademais do grupo privado de Facebook as Pandoras teñen a súa páxina oficial que conta xa con 3.230 seguidoras/res. Tamén existen grupos de traballo como o de administración de redes, comunicación, e os propios grupos territoriais que se van conformando. Este é o caso das Pandoras galegas que están convidadas a este Encontro e traballan de xeito máis local utilizando ferramentas propias e recollendo documentación e recursos para as mulleres artistas en Galicia. É un movemento en crecemento continuado e aprendizaxe permanente. Estase a crear unha organización interna propia e buscando a maneira de construír recursos pedagóxicos, xurídicos, afectivos e preventivos. Reivindícanse a posta en valor do traballo creativo das mulleres artistas e todas as relacionadas coa arte, a visibilidade permanente do mesmo e a resolución de calquera conflito relacionado coa nosa condición de mulleres artistas. Reivindican tanto a súa  voz, como a súa lexitimidade para sinalar as agresións ás que se ven sometidas e ás institucións que as silencian e as permiten.

ESTRUTURA E CONVIDADAS AO ENCONTRO

O Encontro terá una duración de tres días no mes de outubro coa seguinte estrutura:

DIA 1- VENRES 12

12 horas- Mesa e Reflexión:

MULLERES VISIBLES – SER E ESTAR NA CULTURA

Interveñen:

Karina Garantivá (Clásicas&Modernas-Madrid) Mercé Espelleta (Projecte Vaca-Barcelona), Pilar Almansa (Liga de las Mujeres Profesionales en el Teatro- Madrid), Marta Villar (CIMA- Galicia), Belén Pichel (Escena Galega) e Joana Sales (Centro de Cultura e Intervençao feminista CCIF/UMAR- Lisboa / non presencial)

A partires de diferentes asociacións que buscan incorporar a paridade nas programacións e exhibicións, poderemos ter unha perspectiva xeral e datos sobre a realidade da situación laboral das mulleres no eido cultural.

17 horas- Mesa:

A CAIXA DE PANDORA – MOITO MÁIS QUE PERSOAL

Interveñen:

Carmen Tomé (Madrid). Diana Larrea (Madrid). Carolina Nuñez (Galicia)

Nesta mesa falaremos do que é a Caixa de Pandora, cales son os seus obxectivos e as súas metodoloxías, así como coñecer que pasos e de que forma se poden abordar as diferentes denuncias sobre abuso de poder que as mulleres realizan dentro do ámbito laboral da Cultura.

19:00 horas- Proxección

Ana DMatos (Galicia – Cataluña)

Princesas Reales

duración 14’13”

Protagonistas:
Diana, Bahija, Nieves y Concha

Ana DMatos entrevista a varias mulleres partindo do soño idealizado de que un día chegará un príncipe azul,…,  personaxe que representa o amor,  a realización persoal, o éxito a través do matrimonio.  Esta idea socialmente aceptada presupón o azar e unha docilidade ideolóxica que as protagonistas do vídeo aceptaron e soportaron, ata que un día deixaron de confiar nos seus destinos e, con gran coraxe, loitaron contra os roles impostos até transformar as súas vidas.

 Día 2- Sábado 13

12 horas- Mesa e Reflexión.

ARTISTAS NA PERIFERIA- EXPERIENCIA DA CAIXA DE PANDORA EN GALICIA

Interveñen:

Pilar Sánchez Monje, Uqui Permui, Olga Pastor e Luz Darriba

Nesta mesa contamos con diferentes voces creadoras e xestoras galegas que darán conta da situación da Caixa de Pandora en Galicia, partindo dunha experiencia común que son as ferramentas das novas tecnoloxías para o activismo feminista desde a realidade da periferia.

17 horas- Mesa e Reflexión.

A CREACIÓN FEMENINA EN GALICIA

Interveñen:

Matrioska Teatro (Anabell Gago e Chelo do Rego), Laura Villaverde, Mercé de Rande e Helen Bertels

Nesta mesa diferentes creadoras galegas darán conta dos seus traballos e analizarán cales son as claves dos seus procesos, abrindo o debate sobre se a perspectiva de xénero debe ser plasmada nas creacións escénicas.

19:00 horas- Acción escénica

Mónica Sueiro
Título: 15 ‘

A Actriz solicita á Autora unha peza para ser representada. Unha caixa, un manual de instruccións para construir unha escena, un texto que faga a súa existencia soportable. Só ten quince minutos e poden ser unha eternidade

DIA 3

12 horas- Mesa e Reflexión.

CONCIENCIAR A TRAVÉS DA ARTE

Interveñen:

Yolanda Villa, Encarna Lago e Paula Cabaleiro

Nesta mesa diferentes directoras e coordinadoras de Festivais, Congresos e Xornadas en torno ao xénero e a cultura en Galicia exporán cales son os eixos en torno aos cales realizan as súas programacións así como falar das experiencias concretas de cada unha ( Elas Son artistas, Congreso de Xéneros, Alén dos Xéneros, Miradas de Mulleres e ViolenciaZero) e se os resultados son os esperables en canto á concienciación.

13:30

Recital de Dúas Gamaberras e un micro.

Nuria Vil + Vanessa Glemsel

17 horas- Mesa e Reflexión.

ONDE ESTÁN OS PROTOCOLOS?

Interveñen:

Tania Martínez Portugal (País Vasco),  Teresa Pérez Pardo (Sindicato CRTVG) e Inma López Silva (Esad Galicia)

Unha mesa onde poderemos saber de primeira man como actúan diferentes institucións, organismos e organizacións ante denuncias de acoso, así como saber cal é o seu proceso e como se activan os protocolos. Para elo contamos con Tania Martínez  do País Vasco que indaga sobre que sucede cando se realizan denuncias dentro de movementos sociais, colectivos e partidos de esquerda, con María Teresa Perez Pardo sindicalista na CRTVG Galicia e Inma López Silva da Escola Superior de Arte Dramático de Galicia.

 

Post your thoughts