Paper Dolls recibe unha nova crítica; desta vez para o xornal Praza Pública. Firma a crítica Roi Vidal. Bonecas de papel, cousas de mulleres e un humor que doe Paper Dolls Inversa Teatro Dir: Lola Correa Int: Vanesa Sotelo, Marta Pérez As últimas tempadas están a confirmar a forza creativa e renovadora das propostas femininas. Se co final de Matarile se pechaba unha etapa na que Ana Vallés rivalizaba no estético con Ánxeles Cuña, hoxe o número de compañías capitaneadas por mulleres é considerable e decanta o teatro en feminino á tendencia máis anovadora do noso teatro (o posdrama), e viceversa. Paper Dolls comeza cunha actriz limpando o patio de butacas…